euskalkultura.eus

euskal diaspora eta kultura

Albisteak rss

Bide administratiboa eginda, Eusko Jaurlaritzak Misiones probintzia argentinarreko Posadas hiriburuko Euskal Etxea onartu du

2008/07/02

Misiones-eko (Argentina) Posadas hiriburuko Euskal Etxearen logoa
Misiones-eko (Argentina) Posadas hiriburuko Euskal Etxearen logoa

PUBLIZITATEA

Eusko Jaurlaritzaren Gobernu Batzordeak Misiones probintzia argentinarreko Posadas hiriburuko 'Asociacion Civil Centro Vasco Misiones' izeneko Euskal Etxea onartu zuen ofizialki atzoko bilkuran. Bertan Posadas-ko 'Euskal Jatorri' Euskal Etxea gisa ezagunagoa den erakunde onartu berriak duela hiru urte pasexe hasi zuen ibilbidea hiriburu misionistan. Bere kideak legeak Kanpoko Gizataldeetako partaideei onesten dizkien eskubide osoz jokatu ahal izango dute gaurko egunetik aurrera.

Vitoria-Gasteiz. Eusko Jaurlaritzaren Gobernu Batzordeak Argentinako Misiones probintziako “Asociación Civil Centro Vasco Misiones” delako Euskal Etxea onartu zuen atzo asteartez eginiko bilkuran euskal etxe berri gisa. Dagoeneko FEVA edo Euskal Argentinar Erakundeen Batasuneko partaide zen erakunde onetsi berria 'Euskal Jatorri' Euskal Etxea gisa da ezaguna bertan eta duela hiru urte pasexe hasi zen lehenengo urratsak ematen bertako euskaldunen eta euskal jatorrikoen bilgarri bilakatzeko.

Lege nortasuna lorturik eta FEVAko partaide bilakatuta, Eusko Jaurlaritzaren aurreko onespena falta zitzaion paper aldeko ohiko tramite guztiak lortzeko. Misiones probintzian eta Posadas hiriburu probintzialean garatuak ditu dagoeneko hainbat ekimen, gainerako gizataldeekin batera zein bere kasa natura, ingurugiro eta ondare eta kultur zabalkunde alorretan, bere burua ezagutaraziz eta hondar ale propioa ezarriz bertako gizartearen komunitate ongizatean.

Euskal Etxe ofizialdu berriaren datuak, hauexek:

CV Misiones Euskal Jatorri
Belgrano 1541
3300 Posadas (Misiones)
Tel: 03752-423771
e-maila: cvmisiones@gmail.com 


Lotura interesgarriak

Barne karguak berritu ditu Posadaseko 'Euskal Jatorri' Euskal Etxeak

'Euskal Jatorri' euskal Etxeak Gernikaren bonbardaketa gogoratuko du


« aurrekoa
hurrengoa »

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia