euskalkultura.eus

Donostia-San Sebastián. Euskararen Nazioarteko Egunak (ENE) euskal hizkuntzaren unibertsaltasuna aldarrikatzea du helburu eta Eusko Ikaskuntzak (EI) 1949an sortu zuenetik oihartzun handia izan du Diasporan. Egun teknologia berriei esker munduko euskaldunek ospakizunetan aktiboki parte hartzeko aukera gehiago dituzte eta parte hartze hori bultzatzeko Eusko Ikaskuntzak 'EI Gazte!' sariaren deialdi berri bat egin du. 

Sari honekin elkarteak gazteek Euskararen Eguna internet bidez bultzatzeko bidaltzen duten proposamenik onena aukeratuko du. Lehiaketan 18 eta 30 urte bitarteko gazteek har dezakete parte, Euskal Herritik zein Diasporatik. Betebehar bakarra Eusko Ikaskuntzako kide izatea da (kide ez direnek lehiaketara aurkeztearekin batera egin daitezke bazkide, inprimaki hau betez).