euskalkultura.eus

Donostia-San Sebastián. Bernardo Atxaga idazle asteasuarra Australian da aste honetan eta bertan bere lanari eta euskal literaturari buruzko zenbait hitzaldi eskainiko ditu. Etxepare Euskal Institutuaren sostenguarekin antolatu da bidaia. Atxaga Adelaide, Sydney eta Melbournen izango da.

Idazlearen agenda gaur bertan abiatuko da, Adelaide hiriko “Adelaide´s Writers Week” jaialdian. Gaur, itzulpengintzari buruz solastuko da, Jordi Punti idazle kataluniarrarekin batera, "In Translation” tartean. Bihar, Atxagak Obabakoak eleberriari buruzko solasaldia eskainiko du.

Asteazkenean idazle euskalduna Sydneyko Unibertsitatean izango da, eta euskal literaturari buruzko mintzaldia emango du. Bidaia amaitzeko, ostegunean bere lanari buruzko berbaldia egingo du Melbourneko Unibertsitatean.