euskalkultura.eus

Donostia-San Sebastián. Bordeleko Euskal Etxeak aurtengo Musikaren Festako bideoak eta argazki andana igo ditu sarera, Berlingo Euskal Etxeak bihar egingo duen aurkezpenera gonbidatzen gaitu (Sarrionandia eta Leteren poemak dantzatuko omen dituzte, bideoak nahi ditugu!), Buenos Aireseko Iparraldeko Euskal Etxeko lagunek Biperraren Festaren edizio berri bat egiten dute (eta ederki gozatuz!), Euskal Herria Sona 2010 hasten da Bartzelonan...  Hauek eta beste ehundaka hitzordu eta jarduera aurki daitezke EuskalKultura.com-en facebook orrialdean nabigatuz, munduko euskal komunitateak zeinen aktibo eta anitzak diren erakutsiz.

Eta eurekin batera mundu osoko euskaldunak, idazleak, kazetariak, historialariak, dantzariak, musikariak eta ehundaka euskaldun anonimok osatzen dute gure lagun taldea, EuskalKultura.com-ek argitaratzen dituen berriak iruzkinduz eta komentatuz. Parte hartu nahi baduzu, bat egin gure taldearekin eta parte hartu zure albiste, proposamen, argazki, bideo eta iruzkinekin. Zain gaude, zuek zarete EuskalKultura.com!