euskalkultura.eus

euskal diaspora eta kultura

Albisteak rss

Bat egin #mundiala kanpainarekin eta lagundu munduko euskaldunen mapa bat sortzen Euskararen Egunerako!

2013/11/29

#mundiala egitasmoaren webgunean ikus daiteke nondik bidali diztuzten txioak mundu osoko euskaltzaleek
#mundiala egitasmoaren webgunean ikus daiteke nondik bidali diztuzten txioak mundu osoko euskaltzaleek

PUBLIZITATEA

Abian da #mundiala egitasmoa eta traola hori munduan alderik alde dabil Twitter euskaraz erabiltzen duten milaka euskaltzaleri esker. Azaroaren 22an aurkeztu zenetik 15.000 bat lagunek bat egin dute kanpainarekin eta www.mundiala.net webguneko mapan ikus daiteke nondik bidali diren eta non jaso dituzten haien mezuak: Euskal Herria, Argentina, Uruguai, AEB... Zurea ere behar dugu, Diaspora euskalduna --eta #mundiala-- dela erakusteko!

Donostia-San Sebastián. 15.000 partehartzaile inguru bildu ditu dagoeneko #mundiala egitasmoak (ikus www.mundiala.net) eta kopuru horrek gora egingo du datozen egunetan, Euskararen Nazioarteko Egunaren festa handirako giroa berotuz. Eusko Jaurlaritzak sustatu du kanpaina, EITB-ren sostenguarekin, abenduaren 3ko ospakizunei begira. Helburua zera da: munduan diren euskaltzaleen mapa bat sortzea, horretarako Twitter sare soziala baliatuz.

Kanpainan parte hartzea oso erraza da, nahikoa da Twitter-en txio bat euskaraz bidaltzea, #mundiala hashtag-a edo traola gehituz. Kanpainaren webguneak mezu horiek guztiak jasoko ditu eta mapamundi batean jarriko ditu mezuaren bidaltzailea eta, halakorik badago, hartzailearen kokagunea. Horrela, apurka apurka, hasiak dira dagoeneko munduko euskaltzaleen sarea osatzen. Euskararen Egunerako bidean, txio gero eta gehiago espero dituzte egitasmoaren arduradunek, sare benetan trinkoa eta zabala osatu arte.

Egitasmoa sare sozialetan, telebistan eta irratian ari da zabaltzen EITB; txioak, albisteak eta spot-ak baliatuz. Horietako bat ekarri nahi izan dugu geurera. Askorentzat ezusteko galanta izan da bideo honetan agertzen diren bi japoniarrak euskaraz entzutea; ziztu bizian gainera! Ez guretzat, aspaldiko ezaguna dugulako Hagio Sho, Tokioko Euskal Etxeko kidea, euskaltzalea eta euskalduna.

Diasporan euskara eta euskal kultura maite duten beste lagun asko badirela badakigu; anima zaitezte zuek ere parte hartzera! Zeuek ere #mundialak zarete eta!



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia