Arte eszeniko, ikus-entzunezko eta musika azoketara joateko laguntzen deialdia irailaren 13a arte dago irekia

2013/08/02

Euskal enpresak 2013ko Sunny Side of the Doc azokan Etxepare Euskal Institutuko zuzendari Aizpea Goenagarekinb (argazkia Etxepare)

PUBLIZITATEA

Etxepare Euskal Institutuak uztailaren 26ean argitaratu zuen Arte eszeniko, ikus-entzunezko eta musika azoketara joateko laguntzen aurtengo deialdia. Laguntza horien helburua 2013an zehar euskal artista eta ekoizleek azoka hauetara egin dituzten edo egingo dituzten bidaiak sustatzeko diru-poltsak banatzea da. Eskabideak aurkezteko epea abuztu osoan zehar eta irailaren 13a bitartean izango da irekita.

Donostia-San Sebastián. Etxepare Euskal Institutuak argitara eman du 2013 urteari dagokion "Musikaren, arte eszenikoen eta ikus‑entzunezkoen merkatu izaera duten azoka, jaialdi edo gertaera profesionaletara joan ahal izateko diru-laguntzen deialdia".

Laguntzak 2013an zehar euskararen eremu geografikotik kanpo egindako edo egiteke dauden azoketarako bidaiak sustatzeko baliatuko dira. Onartuko diren gastuak honakoak dira: joan-etorriak, ostatua, dietak eta azoketan akreditatzeko edo instalatzeko gastuak.

Deialdi honetarako gehienezko zenbateko orokorra 72.000 eurokoa da, eta modalitate bakoitzari dagokion zenbatekoa honakoa da:

- Ikus-entzunezkoetarako 52.000 euro.
- Musikarako 10.000 euro.
- Arte eszenikoetarako 10.000 euro.

Eskaerak aurkezteko epea irailaren 13an amaituko da. Argibide osoak, hemen.