euskalkultura.eus

euskal diaspora eta kultura

Albisteak rss

Argentinako hiriburua euskaltasun sentimendu sakonaren lekuko izan da pasa den maiatzaren 11an (II)

2014/05/14

'Harrijasotzaile' txikitxuak ere luzitu ziren 2014ko BACen (argazkia BA Celebra)
'Harrijasotzaile' txikitxuak ere luzitu ziren 2014ko BACen (argazkia BA Celebra)

PUBLIZITATEA

Hiru egun pasatu dira jadanik ‘Buenos Airesek Euskal Herria ospagai’ jaialditik eta bertan bizi izandakoaren oihartzunak oraindik ere entzun daitezke. Eta asteetan entzungo dira, ziur aski, festa ederra burutu baitzuen Argentinako euskal gizataldeak Euskal Herriko kulturaren muina erakutsi eta omentzeko. Eta eguraldia txarra izan arren, edo agian horregatik, kementsu aritu ziren parte-hartzaileak euren betebeharretan: dantzari eta musikariak tauletan, sukaldariak txosnetan, eta nola ez, euskal kirolariak, adin guztietakoak, herri kiroletan. Hona 'Buenos Airesek Euskal Herria ospagai' 2014ri buruzko argazki-kronikaren II. zatia.

Buenos Aires, Argentina. Bisitari batzuentzat euskaldunei buruz indarrean dauden hainbat estereotipo aurrez aurre ikusteko aukera izan da; beste batzuentzat, ordea, berri-berria izan da Mayo Etorbidean ikusitako ekintzetako bakoitza. Nolanahi ere, ekimenaren xedea Euskal Herriko kultura Buenos Aireseko jendearengana hurreratzea izan bada, ondo asko bete zuen 'Buenos Aires Celebra'k bere hirugarren edizioan.

2014ko Bs As celebra 01

[Gral. Las Herasko Zazpirak Bat euskal etxea Herri Kirolen erreferente bihurtu da Argentinan azken urteotan eta ondorioz erakunde hau arduratu zen igandean Herri Kirolen Txapelketaz. Aizkolari eta Trontzalari Txapelketak ezohiko ikuskizun bihurtu ziren bertaratutako herritarrentzat (argazkia EuskalKultura.com)]

2014ko Bs As celebra III 02

[Eta indarra neurtzeko garaian denak zeuden prest; are gehiago giro honekin liluratuta zeuden txikiak (argazkia EuskalKultura.com)]

2014ko Bs As celebra III 03

[Kirol batzuk nekez ekar daitezke jaigunera… baina hala ere present izan ziren Kirol Standean (argazkia EuskalKultura.com)]

2014ko Bs As celebra III 04

[Euskal Herriko baserri eta borda tradizionalak ere ikusi ahal izan ziren BACeko standetan, Iparraldeko Euskal Etxekoa den Juan Carlos Ibarrola eta Arturo Campion Ikasgunearen eskutik (argazkia EuskalKultura.com)]

2014ko Bs As celebra III 05

[Azken asteotan aipatu izan dugun bezala, Euskal Herritik heldutako bisitariak ere bazebiltzan Argentinan, eta bertaratu ziren ‘Buenos Aires Euskal Herria ospagai’ jaialdira. Haiun artean Kepa Etchandy argazkilari baionarra. Zenbat euskal etxetan Amerikanuak bere liburua aurkeztu ondoren, euskaldunen jaian hartu zuen parte Etchandy-k. Argazkian Kepa Etchandy eta Norma Rios  (argazkia EuskalKultura.com)]

2014ko Bs As celebra III 06

[Silvia Azpiazu-ren Euskal Bitxigintza kontzeptuala ere egon zen eskuragai BACen hirugarren edizioan berezko standarekin (argazkia EuskalKultura.com)]

2014ko Bs As celebra III 08

[Eta Arrecifeseko euskal eskulanak ere ikusgai eta eskuragarri egon ziren (argazkia EuskalKultura.com)]

2014ko Bs As celebra III 07

[Euskal etxeetako liburutegiek lan handia egiten dute urtean zehar kulturaren alde eta euskal ondarea mantendu eta zabaltzeko. Toti Martinez de Lezea idazle gasteiztarra Argitalpenen Standetik pasatu eta Maria Ester Arrondorekin elkartu zen (argazkia EuskalKultura.com)]

2014ko Bs As celebra III 09

[Euskal presoen aldeko aldarrikapenak ere izan zuen bere gunea ‘Buenos Aires Celebran’n. Euren aldeko banderak present egon ziren ekitaldian jai osoan zehar (argazkia EuskalKultura.com)]

Bihar segituko du



« aurrekoa
hurrengoa »

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia