euskalkultura.eus

Buenos Aires, Argentina. Idazkia gaztelania hutsean dator, elkartearen izen euskalduna kenduta. "Elecciones en la Federación de Entidades Vasco Argentinas - Euzko Argentinar Bazkun Alkartasuna" (FEVA-EABA) titulupean hona idazkiaren edukia, erredakzioan itzulia:

Geure Federazioaren estatutuek finkatzen dutenaren testuinguruan, honako euskal etxeek:

-Centro Basko de Las Flores
-Centro Vasco Azuleño Gure Txokoa de Azul
-Centro Vasco Kotoiaren Lurra de Chaco
-Centro Vasco Gure Txokoa de Córdoba
-Asociación Vasca Urrundik de Paraná
-Centro Vasco Gure Etxea de Santa Fe
-Centro Vasco Itxaropen de Saladillo
-Centro Vasco Ibai Guren de Paraná
-Centro Vasco Eusko Etxea de San Juan
-Centro Vasco Gure Etxea de Salta
-Centro Vasco Beti Aurrera Aberri Etxea de Viedma
-Centro Vasco Euskal Etxea de San Luis
-Centro Vasco Gure Etxea de General Roca
-Centro Vasco Hiru Erreka de Tres Arroyos
-Centro Vasco Hegoalde Argentinarra de Santa Cruz
-Centro Vasco Eusko Deya de Salliqueló...

Bat egiten dute hurrengo hauteskundeetan FEVAko lehendakarigai Cordobako Euskal Etxeko Alejo Martin jauna daraman proposamenarekin.

Honekin EUSKAL ETXE GUZTIEN --kontutan hartu gabe kokapen geografikoa edo tamaina,--ALDAKETA kudeaketa bat bultzatu nahi dugu. Gizarteari eta bere komunikabideei zabaldurik, elkarrizketa, inklusioa eta tolerantzia lehenetsiko dituzten harreman publiko eta instituzionalekin, premiarik gabeko talka eta ernegazioa ekidinez. Euskal Herriaren balioak, tradizioa eta historia, euskara, euskal kirolak eta garranzitsuak diren beste zenbait alor eta elementu islatzen dituen kultur proposamen bat sustatuz eta biziaraziz. Autogestio politiken bidea harturik, ekimen askoz ere gehiago egiteko baliabide propioak lortzea ahalbidetuz. Garapen handiena izan duten euskal etxeak laguntzen jarraituta, aldi berean sostengu berezia eman diezaien egoera horretan ez daudenei; esan nahi baita, guztiok islatuta, harro eta partaide sentiaraziko gaituen Federazio bat edukitzea geure esku.

Honenbestez, geure erakundea berritzea eta ahalik eta erabilgarrien bihurtzea hartu dugu helburu, errespetua, garaiera instituzionala, demokrazia, elkarrizketa, arbasoekiko maitasuna eta geroaren aldeko apustua bidelagun.

Eskerrak ematen dizkiegu denbora kontuak direla eta (oporrak) oraindik geurekin bat egin ahal izan ez duten baina datozen egunetan bilduko zaizkigun euskal etxeei.

AGUR BERO BAT.