euskalkultura.eus

euskal diaspora eta kultura

Albisteak rss

Apirilean euskal jarduerak Boisen: Amuma Says No, Herria Dantza eta Gernikako bonbardaketako lekuko bat "Berbetan"

2014/03/27

Boiseko Euskal Etxea euskal jarduera askoren gunea da; iruditan 2012an egin zen Korrika Fun Run lasterketa (argazkia IKortazar)
Boiseko Euskal Etxea euskal jarduera askoren gunea da; iruditan 2012an egin zen Korrika Fun Run lasterketa (argazkia IKortazar)

PUBLIZITATEA

Apirila euskal kulturaz gozatzeko makina bat aukerarekin jantzita dator aurten Boisera, Basque Museum and Cultural Center-ek eta euskal komunitateak antolatu dituzten ekimenei esker. Besteak beste hauek izango dira: Cyrus Jacobs/Uberuaga euskal ostatu historikoa doan ikusteko aukera, Amuma Says No taldearen kontzertua Leku Onan, Annual Benefit Dinner and Auction jaia, euskal dantza ikastaroa eta "Berbetan" hitzaldi sailean Mari Carmen Totoricak Gernikako bonbardaketaren lekukotasun zuzena emango du.

Boise, AEB. Apirilean euskal jarduera ugari egingo dira Boisen, Basque Museum and Cultural Center-ek eta euskal komunitateak antolatuta. Honakoak dira: 

-Apirilaren 3an Cyrus Jacobs/Uberuaga euskal ostatu historikoa ezagutzeko doako tourrak, 17:30tatik 20:30tara. Ondoren, Amuma Says No euskal talde boisetarrak kontzertua eskainiko du, doan ere, Leku Ona jatetxean. 

-Apirilaren 5ean Annual Benefit Dinner and Auction festa egingo da Basque Center-en. Festa arratsaldeko seietan hasiko da eta enkanteaz gain  Jesus Alcelay sukaldariak prestaturiko afaria egingo da.

-Apirilaren 10ean Euskal Etxean Kurt Koontz idazle eta bidaiaria, “A Million Steps” liburuaren egilea, hizlari izango da, Europan barrena eta Donejakue bidean egin dituen bidaiai buruz hitz egiteko. Hitzaldia 17:30tan hasisko da.

-Apirilaren 17an hileroko “Herria Dantza” euskal dantza ikastaroa, Euskal Etxean. Ikastaroa 17:20tan hasiko da eta ikasleek uztaileko San Inazio jaian erakutsi ahalko dute bertan ikasitakoa.

· Apirilaren 24an, “Berbetan” sailaren baitan Dave Lachiondok eta Mari Carmen Totoricak "Surviving Gernika" solasaldia eskainiko dute. Totorica Gernikako bonbardaketaren lekuko izan zen. Arratsaldeko 17:30tatan hasiko da hitzaldia.

Informazio gehiago, Euskal Museoaren webgunean.



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia