euskalkultura.eus

euskal diaspora eta kultura

Albisteak rss

Angel Espinoza txistularia euskal musikaren ordezkari Txileko Santiagoko 2014ko Festa Paganoan

2014/06/09

Angel Espinoza Caceres txistulariak euskal musikaren ordezkari hartu zuen parte Santiagoko 2014ko Festa Paganoan
Angel Espinoza Caceres txistulariak euskal musikaren ordezkari hartu zuen parte Santiagoko 2014ko Festa Paganoan

PUBLIZITATEA

Angel Espinoza Caceres txistulari txiletarra, 'Hilario Olazaran Txileko Dantza eta Txistu Taldea' delakoko zuzendari gisa, euskal musikaren ordezkari izan da Santiagon, 2014ko 'Festa Paganoa' elkarretaratzean. Hitzordu hau familia giroko kulturarteko bilera legez definitzen dute bere antolatzaileek eta bertan Espinozak musika laguntza eman zien Txileko Bosgarren Erregioko Dancing Clovers dantza zelta taldeari eta baita Santiagoko Voces del Tiempo musika zelta taldeari ere.

Txileko Santiago. Hilario Olazarán Txileko Dantza eta Txistu taldea (sic) delakoko zuzendari den Angel Espinozaren ekarpena "kalejirak jotzea izan zen, "txistu, danbolin, alboka eta txirula danbolin", "baita 2014ko Festa Paganoan parte hartu zuten dantza zeltak musikalki laguntzea ere", adierazi dio EuskalKultura.com-i musikariak berak.

Festa Paganoa "Europa zaharretik inspirazioa hartzen duen festa familiar eta multikulturala" da eta Santiagon egin zen apirilaren 26an, Nelson Perez eta Marcelo Castillo antolatzaile. Besteak beste programaratu zituen proposamenen artean aipa daitezke: arku tiroa, enbor jaurtiketa, Klanen arteko burrukak, Bataila antzezpenak, tarota, runak, hidromiel delakoa, artisau garagardoa, eta abar.

Euskal ekarpena Angel Espinozak jotako doinuekin heldu zen, batetik aipatutako kalejirak joz eta, bestetik, Txileko Bosgarren Erregioko Dancing Clovers taldeak eginiko dantza zeltak eta Santiagoko Voces del Tiempo musika taldeak eskainitako emaitzak lagunduz.

Hilario Olazaran taldetik adierazi digutenez, Santiagon bide bereari ari zaie eusten eta euskal dantza tailerrak antolatzen dira baita ere, hiriko dantza talde zelta, irlandar eta eskoziarrentzat, beti ere Hilario Olazaran-eko musikari eta jotzaileei esker.



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia