Hemen zaude: Hasiera Albisteak 'Ander' filme euskaldunak Berlingo Zinemaldiko Arte eta Entsegu saria eskuratu du

'Ander' filme euskaldunak Berlingo Zinemaldiko Arte eta Entsegu saria eskuratu du

2009/02/16

Berlingo Nazioarteko Zine Jaialdian ikusgai izan den euskarazko lehen filmea izan da, eta harrera bikaina izateaz gain (sarrera guztiak agortuta lehen emanaldia baino lehen) saria ere eskuratu du: CICAE-k (Confederación Internacional de Cines de Arte y Ensayo) ematen duen Arte eta Entsegu saria. Roberto Castón zuzendariaren filmeak heldutasunean eta bere baserrian lanean hasten den inmigrante baten lagun egitean homosexualitatea deskubritzen duen gizon baten istorioa kontatzen du.

Berlin, Alemania. 'Ander' filmeak --gay tematikadun lehen euskarazko filmea, egileen esanetan-- arrakasta nabaria izan du Berlingo Zinemaldian, lehiaketatik kanpo epaimahai independienteek ematen duten sarietako bat lortuz. Saria CICAEk, edo Confederación Internacional de Cines de Arte y Ensayo delako erakundeak eman dio. Luzemetraiaren zuzendaria,  Roberto Caston galiziarra, oso pozik agertu da sariarekin eta grabaketaren ostean hil zen bere aitari eskaini dio. Horrezaz gain, filmeak Europako hainbat herrietan estrenatzeko akordioak eskuratu ditu, hala nola frantziar estatuan, Suitzan, Alemanian, Belgikan edo Luxemburgon. Zuzendariak aurki Euskal Herriko aretoetan ere aurkeztu ahal izateko itsaropena agertu zuen.

Filmea Berlingo Zinemaldiko Panorama atalean izan da ikusgai eta harrera oso ona izan du bakardadeari eta homosexualitatearen aurkikuntzari buruzko istorio honek. Izenburuko Ander baserrian amarekin eta arrebarekin bizi den 40 urteko gizona da, eta bere bizitza lasaia errotik aldatzen ikusiko du Juan izeneko gazte perutar bat baserrian lanean hasten denean. Protagonistak mesfidantza, zalantza, ukatzea eta, azkenean, bere buruaren onarpena biziko ditu. Filmeak Berdindu, Eusko Jaurlaritzaren Gay, Lesbiana, Bisexuale, Transexual eta Intersexualeei Arretareko Zerbitzuaren laguntza jaso du eta zuzendariaren esanetan 'gizarte nortasun argiko filmea' da.

 

Komentarioa gehitu

Komentario bat gehitu zenezake formularioa betata

(Beharrezkoa)
Esaiguzu zure izena
(Beharrezkoa)
(Derrigorrezkoa)
(Derrigorrezkoa)
(Beharrezkoa)
Erantzun galderari aurrera jarraitzeko:

Zenbat dira hiru gehi bi? (idatzi zenbakiekin)

'Ander' filme euskaldunak Berlingo Zinemaldiko Arte eta Entsegu saria eskuratu du

Roberto Caston zuzendaria Panorama ataleko zuzendariarekin (ezkerrean) eta Josean Bengoetxea aktorearekin (eskubian) Berlinen

E-postaz harpidetu albisteetara

bisita