euskalkultura.eus

euskal diaspora eta kultura

Albisteak rss

Aitor Alava gidaritzapean, otsailaren 12an berrekingo zaie Buenos Airesen Ekin Dantzari Taldearen entseguei

2010/02/08

Ekin Dantzari Taldearen 2010ko klaseak sustatzeko irudia
Ekin Dantzari Taldearen 2010ko klaseak sustatzeko irudia

PUBLIZITATEA

Buenos Airesko Eusko Kultur Etxeak (Eusketxe) eta Euskaltzaleak Euskaltegiak euskal dantza talde berria sortu zuten 2008an. Aitor Alava irakasle, taldea sendotuz joan da eta gaur egun Buenos Airesko eta baita Buenos Airestik kanpoko ekintza garrantzitsuetan hartzen du parte. 'Ekin' izena Andres de Irujoren eta Ekin Argitaletxearen omenez daramatzan talde honek datorren otsailaren 12an ekingo dio aurtengo ibilbideari. Entseguak –otsailean eta martxoan– ostiralero izango dira, arratsaldeko 7:30etatik 9:30etara. Apirilean, berriz, larunbatetan. Klaseetan parte hartzeko, ez da aldez aurretik ezer jakin beharrik. Inguruan bizi bazara, 'anima zaitez' diote Ekin-go lagunek.

Buenos Aires, Argentina. Ugari dira Eusko Kultur Etxeak, Euskaltzaleak-ek eta Ekin Euskal Argitaletxeak hiriburu porteñoan batera daukaten egoitzan gauzatzen diren ekintzak. Euskara klaseak, hitzaldiak, kultur tailerrak, antzerkia, musika… Alabaina, euskal dantzak gero eta indar gehiago hartzen ari dira Mexiko kaleko Etxean. Izan ere, 2008an sortutako dantza taldearen hazkundea aipagarria da. Aitor Alava dantzari arabarra gidari, Ekin Dantzari Taldeak garrantzi handiko ekitaldietan hartu zuen parte joan den urtean, besteak beste, Cañuelasen egiten den Dantzarien Topaketan, Askatasunaren Bidea elkarteak antolatutako Xabaltx musikariaren kontzertuan, Euskal Echea Institutuko urte amaierako jaian, eta Eusketxe eta Euskaltzaleak-en festetan, batzuk aipatzearren.

Orain, urte berriari begira, dantzariek ez dute denborarik galdu nahi eta jadanik prest daude dantzatzen hasteko. Eta ez dute luzaro itxaron beharko: martxoaren 27 eta 28an Cañuelasko Euskal Etxeak antolatutako Aberri Egunaren jaian aurkeztuko baitira. Saioei, beraz, otsailaren 12an ekingo diete erakundeen egoitzan, Mexiko kaleko 1880 zenbakian, eta ordutegiari dagokionez, otsailean eta martxoan ostiralero izango dira klaseak, arratsaldeko 7:30etatik 9:30etara. Apirilean, berriz, egunez aldatuko da. Larunbatetan elkartuko dira dantzariak arratsaldeko 4:30etatik 6:30etara. Ikastaroan parte hartzeko, ez da aldez aurretik ezer jakin behar.

Lotura interesgarriak

Aitor Alavaren blog-a
http://dantza.blogspot.com

Buenos Airesko Euskaltzaleak
www.euskaltzaleak.org.ar

 

 

 



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia