Dokumentu Akzioak

Albistegia

Maila bat gorago
Pariseko Sorbonne III unibertsitateak euskarari buruzko mintegia hasiko du gaur

Pariseko Sorbonne III unibertsitateak euskarari buruzko mintegia hasiko du gaur

Gaur eta bihar euskarari buruzko mintegia hartuko du Pariseko Sorbonne III unibertsiateak, bertako Euskara eta Euskal Kultura irakurletzak antolatuta. Gaurko saioan, Udane Atutxa eta Eneko Zuloaga EHUko ikerlariek Ipar Euskal Herriko euskara irakaskuntzaren historia izango dute hizpide. Bihar, aldiz, "Euskararen jatorria: enigma europar bat" dokumentalaren emanaldiarekin hasiko da eguna eta, jarraian, bideokonferentzia bitartez Ivan Igartua EHUko irakaslearekin solasaldia egingo da.

Gehiago Irakurri…

Etxepare Institutuak Jon Bilbao Katedra berria abiaraziko du hil honetan Renoko Unibertsitatean

Etxepare Institutuak Jon Bilbao Katedra berria abiaraziko du hil honetan Renoko Unibertsitatean

Hil honetan jarriko da abian Nevada-Renoko unibertsitate estatubatuarrean Jon Bilbao Katedra, Center for Basque Studieseko Euskal Liburutegiaren sustatzaile izan zen ikerlariaren omenez. Katedraren aurreneko irakaslea Pedro J. Oiarzabal historialaria eta Diasporan aditua izango da. Honekin, dagoeneko bost katedra sustatzen ditu Etxeparek munduko beste hainbeste unibertsitatetan: New York, Chicago, Frankfurt, Liverpool eta, orain, Reno.

Gehiago Irakurri…

Buenos Airesko Eusketxek euskara, tailerrak, dantza klaseak eta arte erakusketak eskainiko ditu 2014an

Buenos Airesko Eusketxek euskara, tailerrak, dantza klaseak eta arte erakusketak eskainiko ditu 2014an

Urtealdi berri bat hasiko da laster Buenos Aireseko Eusketxe eta Ekin Argitaletxearen eskutik. Ekintzen programa apirilean jarriko da martxan, publiko orokorrari zuzenduta. Eskainiko diren aktibitateen artean, euskara klaseak, musika, dantza, literatura eta historia tailerrak, eta urtero garatzen den ‘Euskal Herria ezagutzen hasteko tailerra’ aipa daitezke. Horiez gain, Eusketxe-ko Arte Galerian erakusketak antolatzera gonbidatzen dute erakundeek, eta parte hartzera baita ere Ekin Dantzari Taldean. Gogora dezagun, Buenos Airesko Eusko Kultur Etxea eta Ekin Argitaletxea Lizarraenea egoitzan daudela, Mexiko kaleko 1881. zenbakian.

Gehiago Irakurri…

Europa eta Asia-Australiako Euskal Etxeen eta Espainiar Estatukoen bilera asteburuko argazkiak (eta II)

Europa eta Asia-Australiako Euskal Etxeen eta Espainiar Estatukoen bilera asteburuko argazkiak (eta II)

Joan den asteburuan Bartzelonan egin ziren euskal etxe bileren argazki kronika ekarri dugu hona. Ostiral gau eta larunbatez, Europa eta Asia-Australiako euskal etxeek eginiko bileraren txanda izan zen; eta igandean, berriz, Estatu espainiarreko euskal etxeen federazioarena. Bertan izan ziren eta talde-argazkia jaitsi nahi dutenentzat, testuaren eskuinean dagoen argazkian klik egin eta bereizmen handiko bertsioa lor daiteke, bertatik jaisteko. On egin!

Gehiago Irakurri…

New Orleanseko euskal etxeak Aberri Egunerako egitarau zabala prestatu du: zinea, afari eta dantzaldia

New Orleanseko euskal etxeak Aberri Egunerako egitarau zabala prestatu du: zinea, afari eta dantzaldia

Louisiana Basque-American Society & Cultural Organization (LABASCO) euskal etxeak Aberri Eguna ospatzeko egitarau oparoa prestatu du aurten. New Orleans hirian egingo da topaketa, apirilaren 20an eta bertara bilduko dira estatuko euskaldunen ondorengoak eta gonbidatuak. Euskal etxeak zine emanaldiak, dantza erakustaldiak eta Louisianako euskaldunei buruzko hitzaldia eskainiko ditu, afari eta ikuskizunarekin batera.

Gehiago Irakurri…

EuskalKultura.com-en 2014/03 zozketa: 237 partaide, sariak EHra, Argentina, AEB eta Alemaniara

EuskalKultura.com-en 2014/03 zozketa: 237 partaide, sariak EHra, Argentina, AEB eta Alemaniara

2014/04/01

Hamaika herrialdetako 237 pertsonak hartu dute parte 2014ko martxoan EuskalKultura.com-ek antolatutako euskal kultur produktu zozketan. Kasu honetan sariak hiru liburu, euskaraz, ingelesez eta gaztelaniaz hurrenez hurren --'Urruneko mendebalean artzain', 'Gardeners of Identity, Basques in the San Francisco Bay Area' eta 'Vascos en Buenos Aires'-- eta dokumental bat DVDn, 'Zerutik sua dator', izan dira. Datozen lerroetan ematen ditugu xehetasunak, baina aurrera dezagun lau sariok Euskal Herrira, Argentinara, Alemaniara eta Estatu Batuetara abiatuko direla.

Gehiago Irakurri…

Bolivar herri argentinarreko Nafar Etxeak bere 60. urteurrena ospatu du garai guztietako dantzariak bilduz

Bolivar herri argentinarreko Nafar Etxeak bere 60. urteurrena ospatu du garai guztietako dantzariak bilduz

Buenos Aires probintziako Bolivar herriak bat egin du bertako Nafar Etxearekin erakundearen 60. urtemuga ospatzeko. Kari horretara berrehun bat lagun bildu ziren instituzioaren egoitzan urteurreneko jaian parte hartzera, tartean bertatik pasatutako garai guztietako dantzariak. Aipagarria da, baita ere Mar del Platako Nafar Etxeko ordezkariak ere bildu zirela ospakizunera. Berri honekin batera, erakundearen datozen ekintzak iragarri ditu Nafar Etxeko lehendakari Mirta Morionesek.

Gehiago Irakurri…

Balioespen baikorrak Bartzelonan, asteburuan Europa eta Asia-Australiako EEk eginiko bileran (I)

Balioespen baikorrak Bartzelonan, asteburuan Europa eta Asia-Australiako EEk eginiko bileran (I)

Bi izan dira euskal etxeek joan den asteburuan Bartzelonan eginiko bilerak. Batetik, mundu-kongresu arteko bilera bat, Europa eta Asia-Australiako euskal etxeak partaide, larunbatean. Esku hartu duten euskal elkarteak, Paris, Berlin, Erroma, Shanghai, Londres, Bordele, Brusela, Bartzelona, Townsville, Valentzia, Madril, Zaragoza, Paue, Sydney, Mallorca, Quart de Poblet, Salou eta Valladolid. Bestetik, estatu espainiarreko euskal etxeen bilera, igandean, eta baita mus-txapelketa ere, Salouko bikotea txapeldun (bihar argazki bidezko kronika).

Gehiago Irakurri… [ 2 erantzun ]

Boiseko Ikastolako umeentzako baserritar jantzi zaharrak biltzen ari dira Abadiñon

Boiseko Ikastolako umeentzako baserritar jantzi zaharrak biltzen ari dira Abadiñon

2014/03/31

Boiseko Ikastolan irakasle den Maria abadiñoarrari esker sortu da ekimena. Mariak Ander Cimasi kontatu zion ideia, eta honek bere gain hartu zuen ideia eder hori gauzatzeko ardura. "Mariak esan zidanez Ikastolan baserritar jantziak behar dituzte, Gabonak eta Santa Ageda bezalako jaiak umeekin ospatzeko. Euskal Herriko etxe askotan horrelako jantzi zaharrak jasota edukiko zituztela bururatu zitzaigun eta agian norbait horiek ematera animatuko zela", azaldu du Anderrek. Biltzen diren arropak Boisera bidaliko dituzte eta han Ikastolako neska-mutilek urtero urtero erabiliko dituzte.

Gehiago Irakurri…

Argentina-Mexikoko 250 Zavaletatar euren 5. Topaketan partaide Buenos Aires probintziako Ramallo herrian

Argentina-Mexikoko 250 Zavaletatar euren 5. Topaketan partaide Buenos Aires probintziako Ramallo herrian

2014/03/31

‘Zavaleteada’ da bilerari familiak paratu dioten izena eta bere bosgarren edizioan 250 bat partaide bildu ditu Buenos Aires probintzian joan den martxoaren 23an, Argentina osotik eta Mexikotik etorriak. Topaketa Ramallo hirian burutu zen eta Soraluzen jaio eta XIX. mendean Argentinara emigratu zuten Bartolome, Agustin, Josefa, Antonio eta Jose Maria de Zavaleta anai-arreben zenbait belaunaldi bildu zituen. Ondo baino hobeto baliatu zuten eguna elkarren berri izan eta informazioa eguneratzeko; bazkari ederraz eta dantza eta musikaz ere gozatu zuten. Kopak altxatzeko momentuan, "gure artean jadanik ez daudenak" ere ekarri zituzten gogora.

Gehiago Irakurri…


bisita