A. Martinena, V. Lascurain eta Carmen Maldonado Villegasko Kontaketa Txundigarrien Lehiaketan irabazle

2009/12/04

General Villegasko Euskal Etxeko afixa (argazkia EuskalKultura.com)

PUBLIZITATEA

Alberto Martinena (Venado Tuerto-koa), eta Maria del Carmen Maldonado y Valeria Lascurrain (General Villegasekoak) izan dira General Villegasko 'Villegasko Euskaldunak' Euskal Etxeak deitutako 'Kontaketa Txundigarrien Literatur Lehiaketa'n irabazle atera direnak. Sariak emateko ekitaldia gaur ostirala, abenduaren 4ean, iluntzeko zortzietatik aurrera egingo da Euskal Etxean. Ekitaldi berean Kimuak saileko lau laburmetraia eskainiko dira, Telmo Esnaol, Anartz Zuazua, Oriana Alcaine eta Alejandra Márquez, eta Nacho Vigalondorenak.

General Villegas, Argentina. Villegasko Euskaldunak Euskal Etxeak deitutako 'Kontaketa Txundigarrien Literatur Lehiaketa'n Alberto Martinena (Venado Tuerto-koa), María del Carmen Maldonado eta Valeria Lascurrain (General Villegaskoak atera dira irabazle).

Sariak emateko ekitaldia gaur iluntzean egingo da Villegasko Euskal Etxean, arratsaldeko zortzietatik aurrera. Ekitaldi berean Kimuak saileko lau laburmetraia proiektatuko dira, 2009an hainbat sari eurenganatutakoak hain zuzen.

Honakoak dira emango diren laburmetraiak:

-Amona Putz!, Telmo Esnal zuzendari (9 minutu). Batzuetan haur txipiak dauzkaten bikoteak amona botatzen dute faltan... baina batzuetan bakarrik.

-El nunca lo haría, Anartz Zuazua zuzendari (14 minutu). Laurak aiton bat eskatzen die Errege Magoei eta bere gurasoak lanean hasetn dira bat oparitu ahal izateko.

-5 recuerdos, Oriana Alcaine eta Alejandra Marquez zuzendari(12 minutu). Merkatuan, bazkaria prestatzeko behar dituen osagaiak errepikatzen, Irma ohartzen da oroitzapen batzuk berreskuratzeko bide luzea egin beharra dagoela.

-Marisa, Nacho Vigalondo (3 minutu). Bizitzak ekartzen dituen gauza bitxia medio, emakume guztiak Marisa dira, baina Marisa bat baizik ez da.