700 euskal kantatik gora topa ditzakezu Txantxangorria.eu webgunean karaokeaz gozatzeko

2013/01/16

Ken 7 taldearen "Haizea" kanta, karaokean abesteko bertsioan

PUBLIZITATEA

Benito Lertxundi, Berri Txarrak, Ken 7, Esne Beltza, Fermin Muguruza, Oskorri, Gatibu, Gozategi, Mikel Laboa, Gose eta beste hainbat eta hainbat euskal musikariren kantak aurki ditzakezu sarean doan, karaokeaz gozatzeko. Txantxangorria.eu webgunean, esaterako, euskal musikagintzako atzoko zein gaurko 700 abesti baino gehiago daude jarrita; euskal etxeko jai eta elkarretaratzeak animatzeko, euskal etxeko euskara klaseetan proposamen desberdin bat sartzeko edo, besterik gabe, lagunekin ondo pasa eta abestien hitzak irakurri eta ikasteko.

Donostia-San Sebastian. Gabi de la Maza (Txantxangorri) euskara irakaslea da Euskal Girotze Barnetegi batean eta duela urte batzuk hasi zen bere ikasleentzako karaokeak prestatzen. Zuten arrakasta ikusirik, YouTuben kanala zabaldu zuen eta pixkanaka bideoak gehituz joan da.

Bideo sorta itzela ez ezik, karaokeak nola egiten dituen ere erakusten digu, norberak etxean, euskal etxean edo lagunartean bere gustuko kantari eta taldeak aukeratu eta gehien gustatzen zaizkionekin karaoke berriak sor ditzan.

Hona hemen webgunean topa ditzakezun kantetako batzuk:

-Esne Beltza: Gora Herria