euskalkultura.eus

Saladillo, Argentina. Euren trebetasuna eta zortea neurtzeko aukera izango dute Argentinako muslariek abuztuaren 17, 18, 19an Saladillon egingo den Mus Txapelketa Nazionalean. Ekintzak helburu argi bat du: Txilen jokatuko den Mundu Txapelketarako ordezkari argentinarrak hautatzea. Euskal etxeak programa oparo batekin jasoko ditu jokalariak, eta partidak garatzeko baldintza onenak bermatzeaz gain, proposamen gastronomikoak eta musika eta dantza ikuskizunak ere eskainiko dizkie bisitariei.

Erakundearen 15. urtemugako ekitaldien artean burutuko den Mus Txapelketa Nazionalak, programa honi jarraituko dio:

Abuztuaren 17an

-09:00etan, harrera euskal etxeetako ordezkariei
-09:30etan, gosaria
-11:00etan, ordezkarien bilera
-13:00etan, bazkaria “Los Robles” aretoan
-15:00etan, Txapelketa Nazionalaren hasiera
-15:30etan, Txapelketa paraleloaren hasiera
-21:30etan, afaria “Los Robles” aretoan. Udaleko Tango Tailerreko kideen emanaldia

Abuztuaren 18an

-10:00etan, Mus Txapelketa ofiziala eta Txapelketa paraleloko partidak
-13:00etan, bazkaria “Los Robles” aretoan
-15:00etan, Mus Txapelketa ofiziala eta Txapelketa paraleloko partidak
-21:30etan, afaria “Los Robles” aretoan. Udaleko Folklore dantza taldearen emanaldia

Abuztuaren 20an

-10:00etan, Lehiaketa Nazionaleko finalaurrekoak
-11:30etan, Lehiaketa Nazionaleko finalak
-13:00etan, bazkaria eta sari banaketa “Los Robles” aretoan
-15:00etan, agurra

Prezioari dagokionez, lehiaketan parte hartuko duten euskal etxeen kasuan, voucherra 600 dolarrekoa izango da. Laguntzaileena berriz, 1300 pesokoa bi pertsonarentzako hoteleko geletan eta 1200 pesokoa hiru pertsonarentzako geletan. Hala ere, antolatzaileek jakinarazi dute prezio hauek alda daitezkeela erreserbak garaiz ordaintzen ez badira. Dirua bidaltzeko epea abuztuaren 9an bukatuko da eta datuak (izena, NAN, euskal etxea eta telefono zenbakia) silvinabordenave@yahoo.com.ar helbide elektronikora bidali behar dira.