Dokumentu Akzioak

Albistegia

Maila bat gorago
Ospakizun ugari Diasporan San Inazio eguna dela eta: Arrecifes, Necochea, Mexiko, Boise, Santiago, Asuncion...

Ospakizun ugari Diasporan San Inazio eguna dela eta: Arrecifes, Necochea, Mexiko, Boise, Santiago, Asuncion...

Diasporako euskal etxeak bizi-bizi ari dira egunotan San Inazio Eguneko ekitaldiak prestatzen. Gipuzkoa eta Bizkaiko patroiaren egunak tradizio handia du munduko euskal komunitatetan eta makina bat dira festak, bazkariak, mezak eta kultur ekitaldiak egingo dituzten elkarteak. Batzuk asteburu honetan bertan hasiko dira, esaterako Boiseko Euzkaldunak elkartekoak. Ondotik etorriko dira Arrecifes, Necochea, Santiago, Valparaiso, Comodoro Rivadavia, Asuncion, Caracas, Mexiko, Bartzelona, Montevideo, Madril, Rosario, Laprida... Jarraian, hitzordu horietatik informazioa heldu zaigun hainbaten berri.

Gehiago Irakurri…

Ann Erreca: "Itzela izan da, sekula ez dut ahaztuko bisita Kanalara, gure familiaren jaiotetxera"

Ann Erreca: "Itzela izan da, sekula ez dut ahaztuko bisita Kanalara, gure familiaren jaiotetxera"

2014/07/24

Kaliforniako arrantxu giroko herria da Los Banos, kabalak eta abelzaintza eta nekazaritza eta ortu zabalak aberastasun diren eremua, eta hortxe jaio zen Ann Erreca duela 53 urte. Irakaslea da bera, irakurketa arazoak dauzkaten haurren arretan espezialdua. Baina hirugarren belaunaldiko euskal-kaliforniarra ere bada Ann, bertako familien euskal giroan sortu eta hazia, dantzaria --horretan amatxiren oinordeko-- eta Los Banosko Euskal Etxeko dantzarien irakasle azken hogei urteotan.

Gehiago Irakurri…

Euskara arrakastatsu Naxeran; aurten bigarren kurtsoa antolatu du Errioxako kultur talde batek

Euskara arrakastatsu Naxeran; aurten bigarren kurtsoa antolatu du Errioxako kultur talde batek

Iaz 20 bat ikasle izan ziren, eta aurtengo ikastarorako horiek eta beste askok interesa agertu dute dagoeneko. Euskararekiko jakinminak kultur mugimendu polit bat sortu du Errioxako Naxera herrian eta iaz harrera oso ona izan zuen bertako talde batek antolatu zuen ikastaroak. Taldeak Logroñoko Laminiturri Euskal Etxearen babesa du eta aurten HABEren Euskara Munduan programaren baitan emango dira eskolak. Ikastaroa urrian abiatuko da. Interesa baduzu, hau da izena emateko unea!

Gehiago Irakurri…

Euskara Munduan: Hego Amerikako Neguko Barnetegian eta irakasleen trebakuntzan ari dira Chascomusen

Euskara Munduan: Hego Amerikako Neguko Barnetegian eta irakasleen trebakuntzan ari dira Chascomusen

Brasil, Uruguai, Txile eta Argentina bertako 25 ikasle bildu dira joan den larunbatetik hona Chascomus hiri argentinarrean, HABEk sustatzen duen Euskara Munduan programaren 2014ko Neguko Barnetegian partaide. FEVA eta Zingirako Euskaldunak Euskal Etxea antolatzaile, larunbat eguerdi arte luzatuko da euskara ikastaro trinkoa. Larunbat arratsaldean, berriz, irakaskuntzan urteak daramatzaten irakasleak elkartuko dira haiei zuzendutako trebakuntza jardunaldi batean.

Gehiago Irakurri…

Caraboboko Euskal Etxea Begoñako Amaren festa prestatzen, San Fermin arrakastatsua eta gero

Caraboboko Euskal Etxea Begoñako Amaren festa prestatzen, San Fermin arrakastatsua eta gero

Carabobo estatu venezuelarreko Valenciako Euskal Etxea buru belarri dabil egunotan bere jai egun handia prestatzen, Begoñako Amaren festa. Euskal komunitatearen eraginez, Begoñako Ama euskal etxea dagoen herriko, Naguanaguako patroia da eta elkarteko kideentzat hitzordu garrantzitsua da. Bitartean, euskal etxeko kideak gogoan dute oraindik berriki egin zuten San Fermin festaren arrakasta, entzierro eta guzti!

Gehiago Irakurri…

Uztailaren 26an ospatuko dute 2014 Arrantzale Eguna New England-eko euskaldunek, AEB ekialde kostaldean

Uztailaren 26an ospatuko dute 2014 Arrantzale Eguna New England-eko euskaldunek, AEB ekialde kostaldean

Ondarroa aldean abuztuaren 17an ospatu ohi bada ere, aurten, uztailaren 26an antolatuko dute Arrantzale Eguneko bazkari eta elkarretaratzea New Englandeko euskaldunek (AEB). Connecticut-en, Bridgeport herriko Dolphin’s Cove Marina jatetxean izango da eta 50 lagunetik gora batzea espero dute, “80 igual be”, Naiara Azpirik, Euskal Etxeko delegatuak, Euskalkultura.com-i esan dionez.

Gehiago Irakurri…

San Inazio festa “lasaia” ospatuko dute Boisen hurrengo urteko Jaialdirako prestaketa lanak direla eta

San Inazio festa “lasaia” ospatuko dute Boisen hurrengo urteko Jaialdirako prestaketa lanak direla eta

2014/07/23

“Aurten San Inazio lasaiak izango ditugu, datorren urtean Jaialdi baitugu eta zoramena izango baita”, esan dio Annie Gavica-k, Boiseko (Idaho, AEB) Euskal Etxeko Zuzendaritza Batzordeko kideak, Euskalkultura.com-i. Edonola ere, datorren asteburua “kirolez, jaki eta edari onez eta giro onaz” beteko dute, antolatzailearen hitzetan.

Gehiago Irakurri…

“Erabat gomendagarri”tzat jo du Memoria Bizia proiektuko ikastaroa San Frantziskoko Nathalie Urrozek

“Erabat gomendagarri”tzat jo du Memoria Bizia proiektuko ikastaroa San Frantziskoko Nathalie Urrozek

Pedro J. Oiarzabal ikertzailea Kanada eta Estatu Batuetan ematen ari den Memoria Bizia programako ikastaro batean hartu du parte San Frantziskon Nathalie Urroz-ek. 23 urteko sanfrantziskotar honen aburuz “oso garrantzitsua da belaunaldi gazteentzat zaharrenek esateko dutena entzutea”. Horregatik, “erabat gomendagarri”tzat jo du ikastaroa eta bertan izena ematera animatu gura izan ditu Ameriketako euskaldunak oro.

Gehiago Irakurri…

Uholdeengatik bertan behera gelditu ostean, "Barbau Hamalau" ikuskizuna bueltan da aste honetan Xiberoan

Uholdeengatik bertan behera gelditu ostean, "Barbau Hamalau" ikuskizuna bueltan da aste honetan Xiberoan

Asteazken eta ostegunean ikusgai izango da Ozazen "Barbau hamalau", pastolara eta maskarada berritzen dituen ikuskizuna. Hebentik kolektiboak antolatu du ikusgarria, Dominika Rekalten gidoiarekin, dantza, kanta eta antzerkia nahasturik. Ikuskizunaren estreinaldia bertan behera gelditu zen iragan uztailaren 4an eta 5ean, Zuberoan izan ziren uholdeak direla eta. Antolatzaileek ez dute amore eman nahi izan eta berriz ere ikusgai izango da lana aste honetan.

Gehiago Irakurri…

Buenos Aires probintziako Pilar-ko Eusko Etxeak bere 15. urteurrena ospatuko du abuztuaren 3an

Buenos Aires probintziako Pilar-ko Eusko Etxeak bere 15. urteurrena ospatuko du abuztuaren 3an

Urtebetetze festan parte hartzeko gonbitea etxeko kide eta lagunei ez ezik, eskualdeko euskal etxeetako ordezkariei ere dago zuzenduta. Pilarreko Eusko Etxearen urteurren bazkaria datorren abuztuaren 3an izango da, hiriko Atletico Pilar Klubean eta ohorezko brindis batekin bukatuko da. Erakundetik erreserbak aldez aurretik egitea eskatzen dute.

Gehiago Irakurri…


bisita