Aurrera darrai Montevideon, Haize Hegoa euskal etxeak antolaturik urtean zehar garatzen den Kultura Zikloak. Oraingoan, ostiral honetan, uztailaren 25ean, uztaileko hitzaldiak "Euskal esperientzia, hizkuntz eta identitate berreskurapenerako gakoak" izango du izenburu eta, ohi bezala, Mikel Farikoitz Deunaren Parrokian (Euskaldunen Eliza) egingo da Julio Herrera y Obes 1431 helbidean, arratsaldeko zazpietan.