EHUko Oscar Alvarez Gila eta Jon Ander Ramos doktoreek hitzaldiak eskainiko dituzte astearte honetan, maiatzaren 29a, Argentinako La Plata Unibertsitateko Ekonomi Zientzietako Fakultatean.
Lehenak ''Euskal etorkinak AEBetan Hollywooden ikuspegitik. Estereotipoak, aurreiritziak eta hutsegiteak'' gaia izango du hizpide; bigarrenak, ''Nire biotzeco aita… euskararen presentzia Mendizabal Gorostizu familiaren gutunetan''.
Irlandar Pentsamendu eta Kulturaren Katedra Libreak eta Etxepare Euskal Institutuko irakurletzak antolatuta, ekitaldia 19:00etan hasiko da.