Larunbatean, apirilaren 26an, Gernikako bonbardaketaren 77. urteurrena dela eta, Berlingo Euskal Etxeak plaka oroigarri bat jarriko du Gemeinschaftskrankenhaus Havelhöhen gunean eta zuhaitz bat landatuko du bertan.
Havelhöhen-en egon zen 1934-1936 bitartean Alemaniako aire armadaren eskola, eta bertan ikasi zuten Gernikako bonbardaketan parte hartu zuten militarrak. Orain erietxea dago bertan eta Berlinen inork gutxik daki horren berri. Ben Wagin artista alemanak zuhaitz bat landatuko bertan, gerraren eta indarkeriaren aurkako seinale, bere esanetan, "hura delako Gernikako bonbardaketa hasi zen lekua". Azken urteotan horrelako arte-adierazpenak jorratu ditu Waginek eta Alemaniako hainbat lekuetan egin ditu zuhaitz-landaketa hauek.