Gure azkeneko liburu-zozketan parte hartzeko galdera 'Zer da euskaldun izatea?' izan da. Batzuentzat galdera xinplea, beste batzuentzeko zaila, bakoitzak bere iritzia, sentimentu eta ikusmoldearekin helarazi digu erantzuna. Jasotako guztien artean, Xamarren “Vascos. Su lengua a través de la historia” liburuaren lau ale zozketatu ditugu (oraingoan gaztelaniazko bertsiokoak). Liburuak Argentinara, Estatu Batuetara eta Mexikora bidaiatuko dira. Zorionak irabazleei!
2013/06/18
uztailean ehun urte beteko dira Jose Vicente Altube oñatiarrak ‘José Clemente Paz’ izena jarri zionetik Buenos Aires probintziako hiri honi. Antolatzaileek gonbidaturik, Toki Eder Euskal Etxeak Mendeurreneko ekitaldian hartuko du parte bere dantza taldearekin. Euskal etxearen aurtengo urtebetetze jaian ere protagonista izan ziren bertako dantzariak. 250 bat lagun bildu ziren ekainaren 9an hiriko Altube Klubean Toki Eder-en 17. urtemuga ospatzeko eta paella ederra dastatzeaz gain, Gure Talde Alai-ren emanaldiaz ere disfrutatu ahal izan zuten. Etxeko alkate berria ere hautatu zuten 2013-14 eperako, Roque Grillo Arturi.
2013/06/18
Bernardo Atxaga idazlearen "Obabakoak" eleberria 25 urte bete ditu aurten eta urteurrena ospatzeko berau aukeratu dute ostegunean egingo den Klasikoen 6. Irakurketa Jarraituaren izar. Goizeko zortzietatik hasita, Arriaga Antzokian Atxagaren maisulana irakurriko dute jarraian, hala pertsonaia ezagunek nola irakurle anonimoek. Horien artean izango dira ere hogei bat euskal etxetako irakurleak, bideo bitartez. Halaber, Arriaga Antzokiko plazan gaurtik eta ostegunera bitartean, eleberriaren 25 urteak direla eta, zenbait ekitaldi egingo dira.
2013/06/17
Eusko Jaurlaritzak datorren asteko ostegunerako aurreikusi du emango duela argitara Gaztemundu 2013rako deialdia. Euskal etxeetako musika eta musikariei eskainitako edizioa izango da. 18 urtetik gorako gazteek har dezakete parte --ez da adin mugarik ipini--, instrumenturen bat jo edo euren elkarteetan musikaz arduratzen badira. Eskabideak aurkezteko epea 2013ko uztailaren 21ean itxiko da.
2013/06/14
Ibaialde elkarte lapurtarreko hamalau arraunlariak atzo abiatu ziren Quebec aldera eta gaur helduko dira Trois Pistoles hirira. Han, Parc de la Aventure Basque euskal museoan ekingo diote Indianoak 2013 espedizioari: 500 kilometro Saint Laurence ibaian gora, garai bateko baleazaleen legean, Montrealeraino. Ibaialdek Quebec-eko euskal etxea izan du lagun egitasmo honetan, eta Euskaldunakeko lau bazkide izango dira traineruko tostarteko. Bidaia kultur truke gisa ulertzen dute Ibaialdeko kideek, eta etapa bakoitzaren ostean euskal kultur erakustaldiak eta gastronomia lantegiak egingo dituzte herriz-herri.
2013/06/14
Baita ere ...
Brasilgo Rio Grande do Sul EEa, pozik Euskal Topaketaren arrakastarekin: "Taldea indarberrituta atera da"
2013/06/14
FEVAren bazkide aktibo bihurtuta, Euskaltzaleak-ek VI. 'topaketa' egingo du bihar, Jon Ander Ramos hizlari
2013/06/13
Datozen eskaintzak Buenos Airesko Lizarraenean: etzi, Jon Ander Ramos; eta 'Lili Eder Bat' kontzertu sorta
2013/06/13
Kubako Euskal Etxeak aro berria hasi du, egoitza egokia eskuratzeko erronkarekin
2013/06/12
Aipua Rio Cuarto-ko Gure Ametza-ri; EEak 450 paella salduko ditu bere obrak ordaintzen laguntzearren
2013/06/12
Euskal Zinemaldia eta Alemaniako Igo Euskarazko Literatura Saria abiatu ditu Frankfurteko irakurletzak
2013/06/11
